७ श्रावण २०८१, सोमबार | July 22, 2024

सिंहदरबारको फोहोर नउठाउने काठमाडौं महानगरको निर्णयविरुद्ध सर्वोच्चमा मुद्दा



काठमाडौं । सिंहदरबारभित्रको फोहोर नउठाउने निर्णय गर्दै महानगरले फोहोर उठाउन छाडेपछि काठमाडौं महानगरपालिकाविरुद्ध सर्वोच्च अदालतमा रिट दर्ता भएको छ ।

सिंहदरबारभित्रको फोहोर नउठाउँदा जनस्वास्थ्यमा नकारात्मक असर परेको भन्दै फोहोर उठाउन काठमाडौं महानगरपालिकाविरुद्ध आदेश माग गर्दै रिट दायर भएको हो । वातावरण संरक्षणको क्षेत्रमा काम गर्दै आएका अधिवक्ता पदमबहादुर श्रेष्ठले दायर गरेको उक्त रिट निवेदनमाथि मंगलबार प्रारम्भिक सुनुवाइ हुने बताइएको छ ।

संघीय सरकारले आफूले राखेको माग पूरा नगरेको भन्दै महानगरपालिकाका मेयर बालेन्द्र शाह (बालेन) ले सामाजिक सञ्जाल मार्फत आक्रोश पोख्दै सिंहदरबार भित्रको फोहोर नउठाउने घोषणा गरेका थिए । सञ्जालमा लेखे लगत्तै उनले फोहोर संकलन गर्ने कम्पनीलाई सिंहदरबारभित्रको फोहोर नउठाउन निर्देशन समेत दिएपछि सिंहदरबार लगायतका संघीय सरकारका मन्त्रालयहरु रहेको स्थानको फोहोर उठ्न बन्द भएको थियो । मेयरको निर्देशनपछि ८ दिनदेखि सिंहदरबारभित्रको फोहोर संकलन भएको छैन ।

मेयर बालेनले सिंहदरबारमा बस्ने नेताहरुलाई सिसडोलको फोहोरमा डम्प गर्ने जस्ता शब्द सामाजिक सञ्जालमा पोष्ट गरेपछि बालेनको आलोचना भएको थियो । महानगरपालिकाले फोहोर नउठाउने घोषणा गरेपछि सरकारले समेत उनलाई सचेत गराउने निर्णय गरेको थियो ।

प्रकाशित मिति : ४ बैशाख २०८०, सोमबार  ६ : ५९ बजे

लुम्बिनी प्रदेशको मुख्यमन्त्रीमा चेतनारायण आचार्यले गरे दाबी पेस

बुटवल । नेकपा एमाले संसदीय दलका उपनेता चेतनारायण आचार्यले लुम्बिनी

भ्रष्टाचारको निष्पक्ष र स्वतन्त्र छानबिनमा सरकार प्रतिबद्ध छ : प्रधानमन्त्री ओली

काठमाडौं । प्रधानमन्त्री केपी शर्मा ओलीले विभिन्न समयमा चर्चामा आएका

हरिवंश आचार्यले दिए आफ्नो स्वास्थ्य सामान्य रहेको जानकारी

काठमाडौँ । हास्य कलाकार हरिवंश आचार्यको नाकभित्रको सानो नसा फुटेको

प्रधानमन्त्री ओली र बर्षमान पुनबीच संसदमा भनाभन !

काठमाडौँ । प्रतिनिधि सभामा प्रधानमन्त्री केपी शर्मा ओली र माओवादी

देशभरका शिवालयमा भक्तजनद्वारा पूजाआजा

काठमाडौं । साउनको पहिलो सोमबार आज देशभरका शिवालयमा भक्तजनले पूजाआजा