काठमाडौं । प्रधानमन्त्री पुष्पकमल दाहाल ‘प्रचण्ड’ ले प्यूठानमा आज दिउँसो भएको कार दुर्घटनामा मृत्यु भएकाप्रति श्रद्धाञ्जली अर्पण गर्दै शोकाकूल परिवार तथा आफन्तजनमा गहिरो समवेदना प्रकट गरेका छन् ।
प्रधानमन्त्री दाहालले सामाजिक सञ्जाल फेसबुकमार्फत दुर्घटनामा मृत्यु हुने आठ तथा मृतकको परिवारमा समवेदना प्रकट गरेका हुन् । “प्यूठान स्वर्गद्वारी मन्दिर दर्शन गरेर फर्किरहेको कार दुर्घटना हुँदा आठ जनाको निधन भएको खबरले दुःखित बनाएको छ । उक्त दुर्घटनामा जीवन गुमाउने सबैमा हार्दिक श्रद्धाञ्जली अर्पण गर्दै शोकाकूल परिवार तथा आफन्तजनमा गहिरो समवेदना प्रकट गर्दछु”, समवेदनामा उल्लेख छ ।
थप १ जनाको पनि सनाखत
आज मध्यान्ह भएको कार दुर्घटनामा सनाखत हुन बाँकी १ जनाको पनि सनाखत भएको छ । दुर्घटनामा परि मृत्यु हुनेमा घोराही उपमहानगरपालिका वडा नम्बर १५ तुलसीपुर चोकका ११ वर्षीय बालक शिशिर सुबेदी रहेको प्रहरीले जनाएको छ । अन्य ७ जनाको साँझ अवेर सनाखत भएको थियो ।
सो दुर्घटनामा परि कारमा सवार ८ जनाको घटनास्थल मै मृत्यू भएको थियो । सनाखत भएका मृतकहरुमा तुल्सीपुर १५ कोठरीका ३५ वर्षिया सरिता शर्मा पोख्रेल, पोख्रेलका १४ वर्षिय छोरा विशाल पोख्रेल र अर्का ९ वर्षिय छोरा विकाश पोख्रेल, लमही ७ गढवा ४० वर्षिय गोविन्द शाह र उनकि श्रीमती ३० वर्षिया राधा नेपाली तथा र उनीहरुका ९ वर्षिय छोरा आदित्य शाह रहेका छन् । कार चालक लमही ४९ का तारा कुमालको पनि मृत्यु भएको हो ।
प्रतिक्रिया