पेट्रोलियम पदार्थको नयाँ मूल्य : पेट्रोल, डिजेल र मट्टितेलमा बढ्यो, ग्यासमा प्रति सिलिण्डरमा १३० घट्यो

काठमाडौं । नेपाल आयल निगमले पेट्रोलियम पदार्थको नयाँ मूल्य सार्वजनिक गरेको छ ।

आज मध्यरातीबाट लागु हुने गरि निगमले पेट्रोलमा ९ रुपैयाँ, डिजेल र मट्टितेलमा ७ रुपैयाँ बढाएको छ भने एलपी ग्यासको मूल्य भने प्रतिसिलिण्डर १३० रुपैयाँ घटाएको छ ।

भारतबाट मूल्य बढेर आएका कारण पेट्रोल, डिजेल र मट्टितेलमा मूल्य बढाइएको आयल निगमले जानकारी दिएको छ । निगमले सार्वजनिक गरेको नयाँ मूल्य अनुसार पेट्रोलको मूल्य प्रतिलिटर पहिलो वर्गमा १७०, दोस्रो वर्गमा १७२ र तेस्रो वर्गमा १७३ रुपैयाँ पुगेको छ ।

त्यस्तै डिजेल र मट्टितेलको मूल्य पहिलो वर्गमा १५०, दोस्रोमा १५२ र तेस्रो वर्गमा १५३ रुपैयाँ कायम भएको छ । निगमले एलपी ग्यासको नयाँ मूल्य प्रतिलिण्डिर १६६० तोकेको छ ।