काठमाडौंं । नेपाल प्रहरीका अतिरिक्त महानिरीक्षक (एआईजी)हरुको सरुवा भएको छ ।
शुक्रबार बसेको मन्त्रिपरिषद् बैठकले एआईजीहको सरुवा गरेको हो ।
प्रहरी प्रधान कार्यालय, नक्सालका स्रोतका अनुसार उपत्यका प्रहरी कार्यालय, रानीपोखरीको प्रमुखमा एआईजी दीपक थापालाई पठाइएको छ । थापा यसअघि प्रशासन विभाग प्रमुख थिए ।
त्यस्तै थापाको ठाउँमा एआईजी मिरा चौधरीको सरुवा भएको छ । चौधरीको ठाउँ कार्य विभागमा उपत्यका प्रहरी प्रमुखबाट एआईजी श्याम ज्ञवालीको सरुवा भएको छ ।
यस्तै प्रहरी एकेडेमीको प्रमुख रहेका एआईजी टेकप्रसाद राईलाई मानवस्रोत विभागमा सरुवा गरिएको छ । मानवस्रोत विभाग प्रमुख रहेका सन्दिप भण्डारीको एकेडेमीमा सरुवा भएको छ ।
यसैगरी काठमाडौं परिसरमा भुपेन्द्र खत्रीलाई ल्याइएको छ । यसैगरी ललितपुरमा हिमालय श्रष्ेठ र अपराध महाशाखामा ओम रानालाई ल्याइएको छ ।
प्रतिक्रिया