काठमाडौं । ललिता निवास परिसरको जग्गा हिनामिनामा संलग्न २९० जना विरुद्ध काठमाडौं जिल्ला अदालतमा मुद्दा दायर भएको छ ।
जिल्ला सरकारी वकिलको कार्यालय काठमाडौंले पूर्वउपप्रधानमन्त्री विजयकुमार गच्छदारसमेत चार पूर्वमन्त्री, बहालवाला सचिव कृष्णबहादुर राउत, सहसचिव सुशील वैद्य, ६ पूर्वसचिवसहित २९० जना विरुद्ध जिल्ला अदालत काठमाडौंमा मुद्दा दायर गरेको हो ।
आरोपिहरुमाथि संगठित अपराधको आरोप नभैै सरकारी कीर्ते गरेको अभियोगमा मुद्दा दायर गरिएको छ ।
जग्गा अनियमितता प्रकरणको अनुसन्धान गरेको नेपाल प्रहरीको केन्द्रीय अनुसन्धान ब्युरो सीआईबीले २८६ जनाविरुद्ध किर्ते र संगठित अपराधमा मुद्दा चलाउन राय दिएको थियो ।
प्रतिक्रिया