बुटवल । भैरहवास्थित गौतमबुद्ध अन्तर्राष्ट्रिय विमानस्थलबाट हुने व्यापार अघिल्लो वर्षको तुलनामा घटेको छ । नियमित उडान नहुने र विमानस्थालबाट ब्यवसायकि आवागमन भन्दा बैदेशिक रोजगारीका लागि जानेहरुको मात्र संख्या भएपछि ब्यापार घटेको हो ।
गौतमबुद्ध अन्तर्राष्ट्रिय विमानस्थलबाट साउन महिनामा ४ लाख ८४ हजार रुपैयाँको वस्तु आयात भएको छ । गत वर्षको साउनमा यो भन्सार विन्दुबाट ५ लाख ९२ हजार रुपैयाँको व्यापार भएको थियो ।
गत वर्ष अल जजिराको उडान भएको र त्यसबाट नेपाल आउने यात्रुहरुले सुनका गहना सहित अन्य सामान ल्याउने गरेकाले भन्सार बढी असुल भएको विमानस्थल भन्सार प्रमुख टिकाराम गैरेले बताए । हाल मलेसियाबाट मात्र उडान भइरहेको र क्वालामपुरबाट आउने याुत्रबाट भान्सार योग्य सामान निकै कम ल्याउने गरेकाले पनि भन्सार राजश्व घटेको उनले बताए ।
नेपालमा त्रिभुवन विमानस्थलबाट मात्र आयातको ९.४९ र निर्यातको २४.५९ प्रतिशत व्यापार हुने गरेको छ ।
प्रतिक्रिया