पेप्सीकोलामा सवारी दुर्घटना हुँदा घाइते एकको मृत्यु, १३ जनाको उपचार हुँदै

काठमाडौैं । काठमाडौंको पेप्सीकोलामा सवारी दुर्घटना हुँदा एक जनाको मृत्यु भएको छ । १४ जना घाइते भएका छन् ।

जडीबुटीबाट पेप्सीकोलातर्फ आउँदै गरेको क्षेत्रीय उपत्यका बस व्यवसाय सङ्घको बा३ख ४८४८ नम्बरको बस र विपरीत दिशाबाट आएको बा६च ५३४२ नम्बरको बलेरो गाडी आज बिहान एकआपसमा ठोक्किँदा सो दुर्घटना भएको थियो ।

दुर्घटनामा घाइते भएका मध्ये एक जनाको मृत्यु भएको प्रहरीले जनाएको छ । मृत्यु हुनेमा सशस्त्र प्रहरी बल नं। २० बिपद् उद्दार उपत्यका गण सिनामंगलमा कार्यरत सशस्त्र प्रहरी जवान उषा थापा रहेकी छिन् । स्कुटरमा रहेकी थापाको मृत्यु भएको हो । उनीसँगै स्कुटरमा सवार अर्की जवान स्वस्थानी खड्काको सिभिल अस्पतालमा उपचार भइरहेको छ ।

घाइतेमध्ये आठ जनाको पेप्सीकोलास्थित मदरल्याण्ड अस्पताल र बाँकी पाँच जनाको नयाँ बानेश्वरस्थित सिभिल अस्पतालमा उपचार भइरहेको छ ।

दुर्घटनामा संलग्न बस चालक रामेछापका २४ वर्षीय जनक राउतलाई प्रहरीले नियन्त्रणमा लिएको छ ।