नेपाल तरूण दल रूपन्देहीले बुटवलमा भोली चक्काजाम गर्दै

बुटवल । नेपाली कांग्रेसका सहमहामन्त्री तथा नेपाल तरूण दलका पूर्व अध्यक्ष महेन्द्र यादवमाथि भएको खुकुरी प्रहारको विरुद्धमा भोली (शनिबार) बुटवलमा चक्काजाम हुने भएको छ । घटनामा संलनहरूलाई कडा भन्दा कडा कारवाहीको माग गर्दै तरूण दलले देशव्यापी आन्दोलन सुरू गरेको हो ।

यसै बीच शनिबार विरोध प्रदर्शनसहित एक घण्टा चक्काजाम गरिने नेपाल तरूण दल रूपन्देहीका जिल्ला सदस्य प्रशान्त कोईरालाले जानाकारी दिए । बुधबार दिउँसो रिपोर्टर्स क्लब काठमाडौंमा आयोजित कार्यक्रममा भाग लिएर बाहिरिने क्रममा यादवमाथि आक्रमण भएको थियो ।

यादव कार्यक्रमबाट बाहिरिने क्रममा खुकुरी प्रहार गर्ने नुवाकोट घर भएका श्याम सापकोटालाई प्रहरीले पक्राउ गरेको थियो । यादवमाथि आक्रमण भएपछि तरुण दलले गृहमन्त्री नारायणकाजी श्रेष्ठको राजीनामा मागसहित विरोध गरिरहेको छ ।