बुटवल । गुल्मी दौघा रुपन्देही सम्पर्क समाजले शनिबार बुटवलमा तीज मिलन कार्यक्रम सम्पन्न गरेको छ । विभिन्न पेसा व्यवसाय गरि रुपन्देहीमा अस्थायी तथा स्थायी बसोबास गर्नेहरु दौघाका व्यक्तिहरु बीच एकता र भाइचारा स्थापित गर्ने उद्देश्यसहित कार्यक्रम आयोजना गरिएको समाजका अध्यक्ष भिमलाल ज्ञवालीले बताए ।
कार्यक्रममा परम्परागत रुपमा रहेको लाखे नाच, घोडे जात्रा, नाग-नागेनी नाच लगायतका प्रस्तुतीहरु रहेको थियो । हिन्दु महिलाहरुको महान पर्व हरितालिका तीजको अवसरमा शुभकामाा आदानप्रदानसहित दरखाने कार्यक्रम सम्पन्न गरिएको समाजका उपाध्यक्ष लक्ष्मी घिमिरे पाण्डेले जानकारी दिइन । कार्यक्रममा तिलोत्तमा, बुटवल, सिद्धार्थनगर, सैनामैना, सुद्धोधन लगायत रुपन्देहीका विभिन्न ठाउँमा छरिएर रहेका दौघामा करिब ५ सय जनाको उपस्थिती रहेको सचिव कमल ज्ञवालीले जानकारी दिए । कार्यक्रमको संयोजन सदस्य गोविन्द ज्ञवालीले गरेका थिए ।
स्थापनाको १ वर्षमै १२० आजीवन तथा ९० जना साधारणलाई जोड्न सफल भएको सदस्य राजु घिमिरेले जानकारी दिए । संस्थामा अन्य सदस्यहरुलाई समेत थप गर्नेगरी समाजलाई अघि बढाइएको उनले बताए ।
प्रतिक्रिया