काठमाडौं । दाङको तुलसीपुरबाट सल्यान जाँदै गरेको बस दुर्घटना हुँदा दुई जनाको मृत्यु भएको छ भने १७ जना घाइते भएका छन्।
शनिबार तुलसीपुरबाट सल्यानको छत्रेश्वरी गाउँपालिका जाँदै गरेको ना ६ ख ५४६३ नम्बरको बस कपुरकोट गाउँपालिकास्थित मुलपानी बनस्पति कार्यालय नजिकै दुर्घटना पर्दा दुई जनाको मृत्यु भएको हो।
मृत्यु हुनेमा दाङको तुलसीपुर उपमहानगरपालिका-६ की ३१ वर्षीया सुमित्रा सुनार र सल्यान त्रिवेणी गाउँपालिका-६ की ४० वर्षीया अनिता बोहरा रहेकी छन्।
उनीहरुको घटनास्थलमै मृत्यु भएको जिल्ला प्रहरी कार्यालय सल्यानले जनाएको छ। दुर्घटनामा घाइते भएकाहरुलाई उपचारका लागि प्रादेशिक अस्पताल तुलसीपुर दाङ पठाइएको छ।
प्रतिक्रिया