सल्यान । सल्यानमा शनिबार बिहान भएको जीप दुर्घटनामा दुई जनाको मृत्यु भएको छ । १७ जना घाइते भएका छन् ।
बिहान ६४० बजे कुमाख गाउँपालिका वडा नंको ७ जिमालीस्थित भित्री सडकखण्डमा सो दुर्घटना भएको थियो । डुमकोटबाट शारदा नगरपालिका वडा नं ११ स्थित खैराबाङको मन्दिर जाँदै गरेको रा १ ज ७९८ नम्बरको जीप उकालोमा ब्याक गर्ने क्रममा सडकबाट झन्डै एक सय मिटर तल खस्दा दुर्घटना भएको प्रहरीले जनाएको छ ।
दुर्घटनामा कुमाख गाउँपालिका वडा नं. ७ डुमकोटका ३९ वर्षीय मानबहादुर पुन र सोही ठाउँकी १४ वर्षीया एनका पुनको घटनास्थलमै मृत्यु भएको छ ।
घाइतेको १७ जनालाई उद्धार गरि जिल्ला अस्पताल खलंगा पठाइएको प्रहरीले जनाएको छ । ।
प्रतिक्रिया