काठमाडौं । भारतीय विमानमार्फत १८ जना नेपाली स्वदेश फर्किएका छन् ।
भारत सरकारको इजरायलबाट भारत फर्काउने अभियान‘अपरेशन अजय’ अन्तर्गत उनीहरू अन्य भारतीयसँगै नयाँ दिल्ली आइपुगेका हुन् । उनीहरु दिल्लीबाट सडकमार्ग हुँदै स्वदेश फर्किनेछन् ।
दिल्ली आइपुग्दा उनीहरुलाई भारतका लागि नेपाली राजदूत शंकर शर्माले नेपाली स्वागत गरेका थिए । उनीहरुलाई दिल्लीबाट घर फर्किन गाडीको व्यवस्था मिलाइएको राजदूत शर्माले जनाएका छन् ।
यसअघि नेपाल सरकारले परराष्ट्रमन्त्री एनपी साउदको नेतृत्वमा काठमाडौंबाट विमान पठाएर २५४ जना नेपालीको उद्दार गरेको थियो ।
प्रतिक्रिया