काठमाडौं । प्रधानमन्त्री पुष्पकमल दाहाल प्रचण्डले टी-२० विश्वकप प्रतियोगिताका लागि छनोट खेलमा बिजयी खेलाडीहरुलाई बधाई ज्ञापन गरेका छन् । प्रधानमन्त्री प्रचण्डले सामाजिक सञ्जाल मार्फत टी-२० विश्वकप प्रतियोगिताका लागि छनोट भएकोमा नेपाली क्रिकेट टोलीलाई बधाइ ज्ञापन गरेका हुन् ।
उनले पछिल्लोसमय क्रिकेटमा नेपाली टोलीले प्राप्त गरेको सफलता र उचाइप्रति नेपाल सरकारको तर्फबाट उच्च सम्मान व्यक्त गरेका छन् ।
प्रधानमन्त्रीले नेपाली टोलीको आगामी यात्रामा सफलताको कामनासहित सरकार सधै खेलाडीहरूको साथमा रहने प्रतिवद्धता पनि व्यक्त गरेका छन् ।
‘टी-२० विश्वकप प्रतियोगिताका लागि छनोट भएकोमा नेपाली क्रिकेट टोलीलाई हार्दिक बधाइ ज्ञापन गर्दछु।पछिल्लोसमय क्रिकेटमा नेपाली टोलीले प्राप्त गरेको सफलता र उचाइप्रति नेपाल सरकारको तर्फबाट उच्च सम्मान व्यक्त गर्दछु।’ उनले लेखेका छन्, ‘साथै नेपाली टोलीको आगामी यात्रामा सफलताको कामनासहित सरकार सधै यहाँहरूको साथमा रहने प्रतिवद्धता व्यक्त गर्दछु।’
प्रतिक्रिया