सुर्खेत । गए राति ११ः४७ गएको भूकम्पमा परी ७३ जनाको मृत्यु भएको र १०८ जना घाइते भएको प्रहरीले पुष्टि गरेको छ । प्राप्त पछिल्लो विवरण अनुसार ७३ जनाको ज्यान गएको प्रदेश प्रहरी कार्यालय सुर्खेतले पुष्टि गरेको हो ।
खबरकुरासँग कुरा गर्दै कर्णाली प्रदेश प्रमुख भीम ढकालले बिहान ६ बजे सम्ममा ७३ जनाको मृत्यु भएको पुष्टि भएको र ११० जना घाइते भएको जानकारी दिए । उनले सबैभन्दा बढी जाजरकोटको भेरीगङ्गामा भएको बताए ।
उद्धारका लागि प्रदेश प्रहरी कार्यालयबाट मध्यराती नै ५६ जनाको प्रहरी टोली पठाइएको र छिमेकी जिल्लाबाट समेत प्रहरी परिचालन गरिएको उनले बताए ।
राती गएको भूकम्पबाट जाजरकोट र रुकुम पश्चिममा सबैभन्दा बढी क्षति पुगेको प्रहरीले जनाएको छ ।
प्रतिक्रिया