काठमाडौं । नेपाल भ्रमणमा रहेका चिनियाँ कम्युनिस्ट पार्टी (सीपीसी)का तिब्बत स्वायत्त क्षेत्रका सचिव वाङ छुङछेङले प्रधानमन्त्री पुष्पकमल दाहाल प्रचण्डसँग भेटवार्ता गरेका छन् ।
पाँच दिने भ्रमणका लागि बुधबार नेपाल आएका वाङले बिहीबार बिहान प्रधानमन्त्री निवास बालुवाटारमा प्रचण्डसँग भेटवार्ता गरेका हुन् ।
भेटमा दुई देशबीचको सहकार्य, सम्बन्ध र र आपसी हितका विषयमा छलफल भएको प्रधानमन्त्रीको सचिवालयले जनाएको छ । सीपीसीको तिब्बत पार्टी सचिवले वाङ नेपाल मामिलाका लागि महत्वपूर्ण व्यक्ति हुन् । चीन सरकारले तिब्ब्त पार्टीको सिफारिसमा नेपालसँगको सम्बन्धलाई अघि बढाउने काम गर्छ ।
प्रधानमन्त्री प्रचण्डको चीन भ्रमणका क्रममा वाङसँग ल्हासामा भेटवार्ता भएको थियो । प्रचण्डले उनलाई सोही समयमा नेपाल भ्रमणको निम्तो दिएका थिए ।
वाङले बुधबार उपराष्ट्रपति रामसहायप्रसाद यादवसँग शिष्टाचार भेटवार्ता गरेका थिए ।
प्रतिक्रिया