१४ फाल्गुन २०८०, सोमबार | February 26, 2024

बुटवल-चन्द्रौटा सडक स्तरोन्तीको लागि बोलपत्र प्रकाशन



बुटवल । तत्कालीन राजा महेन्द्रको पालामा २०१८ सालमा निर्माणको शुभारम्भ भएको पूर्व पश्चिम राजमार्ग अन्तर्गत बुटवल–चन्द्रौटा सडक, निर्माण भएको ६२ वर्षपछि स्तरोन्नति हुन लागेको छ ।

बुटवल पश्चिमको राजमार्ग स्तरोउन्नतिका लागि बोलपत्र आह्वान भएसँगै सो सडकको स्तरउन्नती हुने निश्चित भएको हो । सडक स्तारेन्नतिका लागि बुटवल–गोरुसिङ्गे ५० किलोमिटर र गोरुसिङ्गे–चन्द्रौटा १९ किलोमिटर गरी दुई खण्डमा विभाजन गरेर बोलपत्र आह्वान भएको छ ।

६९ किलोमिटर लामो सडक स्तरोन्नतिका लागि विश्व बैंकले २७ करोड ५० लाख डलर उपलब्ध गराउने सम्झौता भएको छ । बुटवल–गोरुसिङ्गे–चन्द्रौटा सडक परियोजनाका प्रमुख इन्जिनीयर होमबहादुर एसीले बोलपत्रसँगै सडक स्तरोन्नतिका लागि साइट खुला गर्न रुख कटान, विद्युतको पोल सार्न सम्बन्धित कार्यालयहरूसँग समन्वय लगायतका काम भैरहेको बताए । एसीका अनुसार हाल दुई लेनमा रहेको सडक स्तरोन्नति गरेर ४ लेनको बनाइने छ ।

विद्युत् कार्यालयले पोल सार्न झन्डै ४४ करोड लागत अनुमान पठाएको जानकारी दिँदै उनले तर त्यस विषयमा अझै टुङ्गोमा नपुगेको बताए । यस्तै वनसँग रुख नम्बरिङ्गका लागि आग्रह गरिएको छ । अन्तिममा वन विभागको अनुमति प्राप्त गरेपछि रुख कटानको काम सुरु हुने बताइएको छ ।

सडक विस्तारले बढ्दो सवारीसाधनको चापलाई कम गर्ने र ठुला सवारी चलाउनका लागि पनि सहज हुने अपेक्षा गरिएको सडक कार्यालय बुटवलका प्रमुख इन्जिनियर भीम लामाले बताए । डेडिकेटेड चारलेन सडकका विभिन्न ठाउँमा आठ लेन, ६ लेन, अण्डरपास र ओभरपास समेत निर्माण हुने गरि परियोजना तयार भएको लामाले बताए ।

 

प्रकाशित मिति : ५ पुस २०८०, बिहिबार  २ : ०० बजे

‘ए’ ग्रेडका क्रिकेट खेलाडीले मासिक एक लाख रुपैयाँ तलब पाउने

काठमाडौं । नेपाल क्रिकेट सङ्घ (क्यान) ले ‘ए’ ग्रेड मा

४२ औं मगर दिवसमा बुटवल र तिलोत्तमाले दियो सार्वजनिक बिदा

बुटवल । रुपन्देहीको बुटवल उपमहानगरपालिका र तिलोत्तमा नगरपालिकाले मगर दिवसको

१३ अङ्कले बढ्यो नेप्से परिसूचक

काठमाडौं । धितोपत्र बजारमा शेयर कारोबार मापक नेप्से परिसूचक उकालो

गगन थापाले भने – आयोगले पोलेको, सहकारी ठग्ने र दुईचारथान नागरिकता राख्नेलाई घर पठाएर अनुसन्धान गर्न लगाऔँ

काठमाडौं। सत्तारुढ कांग्रेसका महामन्त्री तथा सांसद गगनकुमार थापाले आरोपप्रत्यारोको शृङ्खलाले

सडकमा फोहर फाल्ने माथि नेपालगन्ज उपमहानगरको दण्ड, मेयर आफै जरिवाना काट्न सडकमा

नेपालगन्ज । नेपालगन्ज उपमहानगरपालिकाका सडकमा जथाभावी फोहोर फाल्नेमाथि कारवाही गर्न