भालुवाङ बस दुर्घटना : मृतकको संख्या ५ पुग्यो

नेपालगन्ज । नेपालगन्जबाट काठमाडौं तर्फ जाँदै गरेको भे १ ख ३९१२ नम्बरको यात्रुबाहक बस दाङ-देउखुरीको भालुवाङ स्थित राप्ती नदीमा खस्दा मृत्यु हुनेको संख्या ५ पुगेको छ ।

प्रहरीका अनुसार अहिले सम्म २५ जनाको उद्धार गरिएको छ । घाइतेहरुको भालुवाङ स्थित प्रस्तावित अस्पतालमा उपचार भइरहेको छ । बस आधा नदीमा डुबेको अवस्थामा रहेकाले क्रेनको सहायतामा बस नदीबाट निकाल्ने कार्य भइरहेको सशस्त्र प्रहरी भालुवाङले जनाएको छ । बसमा केही यात्रु अझै हुन सक्ने प्रहरीले अनुमान गरेको छ ।

बसमा करिब ३० जना यात्रु सवार रहेको हुन सक्ने प्रहरीले अनुमान गरेको छ । नेपाल प्रहरी, ट्राफिक प्रहरी, सशस्त्र प्रहरी र स्थानीय उद्धारमा खटिएका छन् ।