अर्घाखाँचीमा जिप दुर्घटना हुँदा २ जनाको मृत्यु, २ जना घाइते

बुटवल । अर्घाखाँचीको भूमिकास्थानमा जिप दुर्घटना हुँदा २ जनाको मृत्यु भएको छ । भूमिकास्थान नगरपालिका वार्ड नम्बर २ को ढाकावाङ्गमा लु १ ज १६७९ नम्बरको देउराली यातायात अर्घाखाँचीको सवारी जिप दुर्घटना हुँदा २ जनाको ज्यान गएको हो ।

दुर्घटनामा भूमिकास्थान-२ मुलटंकिका अन्दाजी ३०/३२ बर्षका देवा बेल्वासे र सन्धिखर्क ३ खापडाडाका अन्दाजी ४०/४२ वर्षका डेमकला आचार्यको मृत्यु भएको तथा पणेना-१ का कपिला खनाल पोख्रेल र सर्मिक पोख्रेल घाइते भएको अर्घाखाँची प्रहरी प्रमुख प्रतितसिंह राठौरले बताए । घाइतेको अवस्था सामान्य रहेको उनले बताए ।

शनिवार बिहान करिब ६ः३० बजे तिर ढाकावाङ्गबाट सन्धिखर्कका लागि छुटेको जिप चालकले इन्जिन बन्द नगरि न्युटलमा बीच बाटोमा छाडेर नजिकको पसलमा गएको बेला जिप आफै गुडेर सडकदेखि करिब २०० मिटर तल खसेको बताइएको छ ।