बुटवल । पाल्पामा भएको जिप दुर्घटनाबाट मृत्यु भएका ८ जना मध्य ६ जनाको सनाखत भएको छ । सिद्धार्थ राजमार्गको डुम्रेबाट चिदिस जाँदै गरेको लु १ ज २३७१ नम्बरको जिप डुम्रे र चिदिसको बीच भागमा दुर्घटना हुँदा मृत्यु भएका ८ जना मध्य ६ जनाको सनाखत भएको हो ।
सनाखत भएका मृतकहरुमा तिनाउ गाउँपालिका ६ का ६० वर्षीया ऐनकुमारी पन्त, सोही स्थानका ३९ वर्षीय रामबहादुर अस्लामी, ६७ वर्षीय कृष्णबहादुर अस्लामी, २८ वर्षीया उर्मिला अस्लामी तथा बुटवल उपमहानगरपालिका १४ का ७० वर्षीय चन्द रणपाल र उनकी श्रमिती ६० वर्षीया चुना रणपाल रहेका छन् ।
२ जना मृतकको अझै सनाखत हुन नसकेको पाल्पा प्रहरी प्रवक्ता डीएसपी सुगन्ध श्रेष्ठले बताए । दुर्घटनामा परि १८ जना घाइते भएको र उनीहरुको पाल्पा प्रवास स्थित लुम्बिनी मेडिकल कलेजमा उपचार भइरहेको छ ।
घटनास्थलमा प्रहरी चौकी प्रभासको टोली र स्थानीयले घाइतेहरुलाई लुम्बिनी मेडिकल कलेज प्रभास पुर्याएका थिए । ।
प्रतिक्रिया