बुटवल । रुपन्देही प्रहरीले जिल्लाको रोहिणी खोलाबाट अबैधरुपमा उत्खनन् गरि लैजाने तयारी गरिएको नदीजन्य पदार्थ सहित २ वटा ट्याक्टर नियन्त्रणमा लिएको छ । रुपन्देही प्रहरी अन्तर्गतको इलाका प्रहरी कार्यालय बेलहिया रुपन्देहीबाट खटिएको प्रहरी टोलीले ओमसतिया गाउँपालिका वडा नं. ४ बसन्तपुर स्थित रोहिणी खोलाबाट अबैध उन्खनन् गरिएको नदी जन्य पदार्थ सहित लु ४ त ७२२३ र लु ५ त १६६ नम्वरको दुई वटा ट्याक्टर नियन्त्रणमा लिएको हो ।
अबैध रुपमा उत्खनन् गरिएको नदिजन्य पदार्थ (बालुवा) उलैजाँदै गरेको अवस्थामा फेला परेका ट्याक्टरलाई प्रहरीले ओमसतिया गाउँपालिकाको कार्यालयमा पठाएको जनाएको छ ।
गाउँपालिकाले प्रहरीले बुझाएको ट्याक्टरलाई ३० हजार जरिवाना असुल गरेर छाडेको समेत प्रहरीले जानकारी दिएको छ । स्थानीय तहबाट अनुगमन नहुँदा रुपन्देहीको बुटवल, तिलोत्तमा, रोहिणी, सियारी लगायतका पालिकाहरुमा हरेक दिन लाखौं मुल्यको नदीजन्य पदार्थको उत्खनन् र वरासपसार हुँदै आएको छ ।
प्रतिक्रिया