काठमाडौं । प्रतिष्ठित निर्माण व्यवसायी कम्पनी शर्मा एण्ड कम्पनीका प्रबन्ध निर्देशक रमेश शर्मा नेपालको लागि किर्गिजस्तानको अवैतनिक महावाणिज्यदूत नियुक्त भएका छन् ।
परराष्ट्र मन्त्रालयमा बिहिबार आयोजित एक कार्यक्रममा मन्त्रालयका शिष्टाचार महापाल दिलीपकुमार पौडेलले निर्माण व्यवसायी शर्मालाई अवैतनिक महावाणिज्यदूतको नियुक्तिपत्र हस्तान्तरण गरेका छन् ।
गुणस्तरीय कार्यका लागि देश विदेशमा ख्याति कमाएको शर्मा एण्ड कम्पनीका प्रबन्ध निर्देशक शर्मा नेपाल निर्माण व्यवसायी महासंघका सल्लाहकार एवं पूर्व अध्यक्ष समेत हुन् । निर्माण व्यवसायीको पृष्ठभूमिबाट अवैतनिक महावाणिज्यदूत नियुक्त हुने शर्मा पहिलो व्यक्ति भएको बताइएको छ ।
नियुक्तिपत्र ग्रहण गर्दै शर्माले नेपाल र किर्गिजस्तानबीचको सम्बन्धलाई अझ प्रगाढ बनाइ नेपालमा किर्गिजस्तानको लगानी भित्र्याउन आफूले विशेष पहल गर्ने प्रतिबद्धता ब्यक्त गरे ।
निर्माण व्यवसाय लगायत अन्य विविध क्षेत्रमा समेत लगानी गरेका शर्मा विभिन्न सामाजिक संस्थामा पनि उत्तिकै क्रियाशील छन् ।
प्रतिक्रिया