जनकपुरधाम । मधेश प्रदेशका नवनियुक्त मुख्यमन्त्री सतिश सिंहले पद तथा गोपनीयताको शपथ लिएका छन् ।
आजै मुखयमन्त्रीमा नियुक्त भएका सिंहलाई प्रदेश प्रमुख सुमित्रा सुवेदी भण्डारीसँग पद तथा गोपनीयताको शपथ लिएका हुन् ।
सिंहसँगै मन्त्रीहरूले पनि शपथ लिएका छन् । अर्थमन्त्रीमा माओवादीका भरतप्रसाद साह र उद्योग, वाणिज्य तथा पर्यटन मन्त्रीमा माओवादीकै युवराज भट्टराई नियुक्त भएका छन् ।
यसैगरी भौतिक पूर्वाधार विकास मन्त्रीमा एमाले संसदीय दलका नेता सरोजकुमार यादवलाई भौतिक पुर्वाधार विकास नियुक्त भएका छन् भने एमालेकै राजकुमार लेखीले शिक्षा तथा संस्कृति, शत्रुधन प्रसाद सिंहले स्वास्थ्य तथा जनसंख्या र प्रमोद जयसवालले खेलकुद तथा समाजकल्याण मन्त्रीको जिम्मेवारी पाएका छन् । एमालेकी शारदा देवी थापा शिक्षा र केशव राय स्वास्थ्य राज्यमन्त्री बनेका छन्।
त्यसैगरी भूमी व्यवस्था कृषि तथा सहकारी मन्त्रीमा एकीकृत समाजवादीका संसदीय दलका नेता गोविन्द बहादुर न्यौपाने र उर्जा सिँचाई तथा खानेपानी मन्त्रीमा बेची लुंगेली नियुक्त भएकी छन्।
नेपाल संघीय समाजवादी पार्टीबाट एकमात्र सांसद रहेकी विमला अन्सारी गृह, सञ्चार तथा कानुनमन्त्री बनेकी छिन् । यस्तै नागरिक उन्मुक्ती पार्टीकी उर्मिला चौधरी श्रम तथा यातायात मन्त्री बनेकी छन्।
प्रतिक्रिया