काठमाडौं । नेपाली कांग्रेसले सरकारलाई विश्वास मत नदिन ह्वीप जारी गरेको छ ।
कांग्रेसका प्रमुख सचेतक रमेश लेखकले ह्विप जारी गर्दै आफ्ना सांसदहरुलाई प्रधानमन्त्री विश्वास मत नदिन निर्देशन दिएका छन् । कांग्रेसले आफ्ना सांसदहरुलाई भोलिको संसद बैठकमा अनिवार्य उपस्थित हुन निर्देशन पनि दिएको छ ।
प्रधानमन्त्री पुष्पकमल दाहाल ‘प्रचण्ड’ले भोलि शुक्रबार प्रतिनिधि सभा बैठकमा विश्वास मतसम्बन्धी प्रस्ताव पेस गर्दैछन्।
कांग्रेस संसदीय दलले जारी गरेको विज्ञप्तिमा भनिएको छ, ‘असार २८ गते बिहान ११ बजे बस्ने प्रतिनिधि सभा बैठकमा कांग्रेसका सदस्यहरुलाई अनिवार्य उपस्थित हुन, तटस्थ नरहन र प्रधानमन्त्री पुष्पकमल दाहाल ‘प्रचण्ड’ले आफूमाथि प्रतिनिधि सभाको विश्वास छ भन्ने प्रस्तावको विपक्षमा मतदान गर्न ह्विप जारी गर्नुभएको छ,’
यसअघि एमालेले पनि प्रधानमन्त्रीलाई विश्वासको मत नदिन ह्वीप जारी गरेको छ ।
प्रतिक्रिया