चितवन । पश्चिम चितवनको भरतपुर महानगरपालिका-२८ मा एक पुरुषको शव फेला परेको छ । अन्दाजी ३०/३५ वर्षको पुरुषको शव नारायणी नदीको टापुमा घोप्टो परेको अवस्थामा फेला परेको हो ।
नारायणघाट–मुग्लिन सडकको सिमलतालबाट दुइटा बसहरु शुक्रबार विहान त्रिशुलीमा खस्दा बेपत्ता यात्रुहरु मध्ये कै एक जना यात्रुको शव हुन सक्ने प्रहरीले आशंका गरेको छ । शवलाई पोष्टमार्टमका लागि भरतपुर अस्पताल ल्याउने तयारी गरिएको प्रहरीले जनाएको छ ।
शनिवार गोलाघाटमा १ र गैंडाकोटको थुम्सी नजिकै २ जनाको शव भेटिएको थियो । भेटिएका तीन वटै शवको सनाखत भइसकेको छ । उनीहरु मध्ये २ जना गणपति डिलक्सका र एक जना एन्जल डिलक्सका यात्रु थिए ।
प्रतिक्रिया