काठमाडौं । लियो जिल्ला परिषद् ३२५ जे नेपालले बाग्मती क्षेत्रमा रहेका लियो क्लब पदाधिकारी तथा सदस्यहरुको प्रशिक्षण कार्यक्रम सम्पन्न गरेको छ ।
काठमाडौंको मनास्लु कलेजमा असार २९ गते भएको सो कार्यक्रममा उक्त क्षेत्रका झण्डै १५० जना लियो पदाधिकारी तथा सदस्यहरुको उपस्थिति रहेको जिल्ला परिषद्का प्रवक्ता लियो विजय त्रिपाठीले जानकारी दिएका छन् ।
लायन अन्तर्राष्ट्रिय ३२५ जे नेपालका प्रथम उपजिल्ला गभर्नर लायन मिलनबाबु मल्लको उपस्थितिमा भएको कार्यक्रममा लियो क्लबका अध्यक्ष एवं सदस्यहरुलाई विभिन्न विषयमा प्रशिक्षण दिइएको थियो ।
लियो जिल्ला परिषद् अध्यक्ष लियो सबिन भट्टराईको समेत उपस्थिति रहेको कार्यक्रममा क्लबका अध्यक्षहरुलाई लियो जिल्ला परिषद् ३२५ बि १ नेपालका पूर्वअध्यक्ष लियो प्रकाश थापा क्षेत्रिले प्रशिक्षण दिएका थिए । यस्तै सचिवहरुलाई लायन अन्तर्राष्ट्रिय ३२५ जे नेपालका Co-Chief Advisor लायन आरबि अधिकारीले दिए ।
यसैगरी कोषाध्यक्षहरुलाई लायन अन्तर्राष्ट्रिय ३२५ जे नेपालका क्षेत्र प्रमुख लायन टिका कार्की, PRO, Tamer र Tail Twister ले दिए भने लियो जिल्ला परिषद् ३२५ जे नेपालका अध्यक्ष लियो सबिन भट्टराई र अन्य पदाधिकारी तथा क्लबका सदस्यहरुको प्रशिक्षण जिल्ला उपाध्यक्ष लियो बालकृष्ण परियारले गरेका थिए ।
कार्यक्रममा Keynote Speaker को रुपमा Motivational Speaker रोहित मल्लले आफ्नो महत्त्वपूर्ण प्रशिक्षण दिएका थिए ।
कार्यक्रमको सञ्चालन लियो जिल्ला परिषद् ३२५ जे नेपालका तालिम प्रशिक्षण सचिव लियो माधव फुयालले गरेका थिए । उक्त कार्यक्रमको संयोजन लियो क्लब अफ काठमाडौं मिलनका अध्यक्ष लियो अबिनास श्रेष्ठले गरेका थिए । कार्यक्रमको सभापतित्व जिल्ला परिषद्का बर्ष २०२४/२५ का उपाध्यक्ष तथा तालिम प्रशिक्षण प्रमुख लियो बालकृष्ण परियारले गरेका थिए ।
प्रतिक्रिया