काठमाडौं । शनिबार साँझ देशभरको विद्युत वितरण प्रणाली केहीबेर अवरुद्ध भएको छ । बिराटनगर बाहेक काठमाडौंसहित देशको अधिकांश ठाउँमा केहीबेर विद्युत अवरुद्ध भएको नेपाल विद्युत प्राधिकरणले जनाएको छ ।
विराटनगर बाहेक अन्य क्षेत्रमा विद्युत आपूर्तिमा समस्या आएको प्राधिकरणका प्रवक्ता चन्दनकुमार घोषले जानकारी दिए । उनका अनुसार चन्द्रनिगाहापुर नवलपुर खण्डको प्रशारण लाइनमा रुख ढलेका कारण देशका धेरै ठाउँमा विद्युत अवरुद्ध भएको हो ।
ढल्केबर हेटौंडा प्रशारण लाइन नबनेका कारण र लालबन्दीमा तार फेर्न नपाएका कारण विद्युत अवरुद्ध हुन पुगेको प्रवक्ता घोषले जानकारी दिए ।
ढल्केबर इनरुवा ४०० केभी प्रशारण लाइन चालु अवस्थामा रहेका कारण पूर्व क्षेत्रमा विद्युत आपूर्तिमा समस्या नरहेको उनले बताए ।
प्रतिक्रिया