काठमाडौँ । संसदको अवरोध हटाउन सभामुख देवराज घिमिरेले बोलाएको दलका प्रमुख सचेतकहरूसँगको छलफल विना निस्कर्ष सकिएको छ ।
यससँगै प्रमुख प्रतिपक्ष दल नेकपा माओवादी केन्द्रले संसद्मा अवरोध कायम राख्नेभएको छ ।
संसद बैठकमा जनयुद्धलाई एमालेका सांसद योगेश भट्टराईले हिंसा भन्ने शब्द प्रयोग गरेपछि सुरु भएको विवादमा सभामुखको निर्णयलाई माओवादीले अस्वीकार गरेको थियो । एमाले सांसदले नियतबस जनयुद्धलाई हिंसा शब्द प्रयोग गरेर संविधानले गरेको व्याख्याको अपमान गरेको जिकिर गरेको थियो ।
बैठकपछि संचारकर्मीसँग कुरा गर्दै माओवादीका प्रमुख सचेतक हितराज पाण्डेले भने, ‘शब्दमा मात्र होइन सिङ्गो जनयुद्धको भावनामा प्रहार भयो । हामी अवरोध जारी राख्छौँ ।’
प्रतिक्रिया