काठमाडौं । सभामुख देवराज घिमिरेको आह्वानमा बोलाइएको मुख्यसचेतक र सचेतकहरुबीचको बैठक बसिरहेको छ ।
सदनको गतिरोध अन्त्य गर्ने सम्बन्धमा सभामुखले संसदमा प्रतिनिधित्व गर्ने दलका मुख्यसचेतक र सचेतकहरुको बैठक बोलाएका हुन् ।
संसद बैठक जेठ १३ गतेदेखि विपक्षी दलहरुले अवरुद्ध बनाउँदै आएका छन् । भिजिट भिसा प्रकरणमा गृहमन्त्री रमेश लेखक मुछिएको भन्दै विपक्षी दलहरुले उनको राजीनामा र यससम्बन्धमा प्रधानमन्त्रीले सदनमा जवाफ दिनुपर्ने माग राखिरहेका छन् । संसद अवरोध भए पनि हिजो बजेट ल्याउने क्रममा विपक्षी दलहरुले अवरोध गरेनन ।
सभामुखले सदनको अवरोध हटाएर बजेटमाथिको छलफल प्रक्रिया अघि बढाउने विषयमा सहमति जुटाउन भन्दै यो बैठक बोलाएका हुन् । यो बैठक पछि कार्यव्यवस्था परामर्श समितिको बैठक बोलाइएको छ ।
प्रतिक्रिया