काठमाडौं । सरकारले भारी वर्षाको कारण विपद्मा परेर घाइते भएकाहरूको निशुल्क उपचार गर्ने निर्णय गरेको छ ।
कार्यवाहक प्रधानमन्त्री प्रकाशमान सिंहको अध्यक्षतामा बसेको आपतकालीन समन्वयात्मक बैठकले घाइतेहरुको शीघ्र र निशुल्क उपचारको व्यवस्था मिलाउने निर्णय गरेको हो । यस्तै, मृतकका परिवारलाई राहत दिने निर्णय पनि बैठकले गरेको छ ।
बैठकले बाढीपहिरोका कारण अवरुद्ध भएका सडकहरू अविलम्बन खोल्न भौतिक पूर्वाधार मन्त्रालयले पहल गर्ने निर्णय गरेको गरेको छ ।
अहिले क्षतिको मूल्यांकन भैरहेको भन्दै सरकारका प्रवक्ता पृथ्वी सुब्बा गुरुङले भने ‘उद्धारको लागि सरकारको सबै संयन्त्रले काम गरिरहेको छ । राहत र उद्धारको लागि लाग्न हामीले सम्बन्धित सबै मन्त्रालयलाई भनेका छौँ । हामीले क्षतिको मूल्यांकन गरेका छौँ । सरकारले क्षतिपूर्ति दिन्छ ।’
बैठकले अहिले सञ्चालन भइरहेका सबै तहका परीक्षा केही समय स्थगन गर्ने निर्णय पनि गरेको छ ।
प्रतिक्रिया