तिनाउ खोलामा डुबेर एक भारतीय बालक बेपत्ता

बुटवल । पाल्पाको तिनाउ ३ स्थित तिनाउ खोलामा डुबेर एकजना भारतिय बालक बेपत्ता भएका छन् । तिनाउ खोलाको ड्याम साइडमा खोला किनारमा खेल्ने क्रममा चिप्लिएर खोलामा खसेका भारत गोन्डा जिल्लाका १२ वर्षिय काब खान २ दिन देखि बेपत्ता भएका हुन् ।

भारत गोन्डा जिल्लाबाट बुबा आमासंग घुम्न आएका मोहमद मुबससिर खानको १२ वर्षिय छोरा काब खान नाम गरेको बालक तिनाउमा डुबेर बेपत्ता भएको पाल्पा प्रहरीले जनाएको छ ।

गत १६ गते अपरान्ह ४ बजेबाट खोलामा डुबेर बेपत्ता भएका खानको खोजिकार्यमा जिल्ला प्रहरी कार्यालय पाल्पाबाट प्रहरी उपरीक्षक सहितको टोली खटिएर खोजतलास कार्य भइरहेको पाल्पा प्रहरीका निमित्त प्रवक्ता प्रहरी निरीक्षक सन्दीप बेलबासेले बताए ।