काठमाडौं । नेकपा (माओवादी केन्द्र)का अध्यक्ष पुष्पकमल दाहाल प्रचण्ड, एकीकृत समाजवादीका अध्यक्ष माधवकुमार नेपाल र राष्ट्रिय प्रजातन्त्र पार्टी (राप्रपा)का अध्यक्ष राजेन्द्र लिङ्देनबीच भेटवार्ता भएको छ ।
शुक्रबार दिउँसो सिंहदरबारमा प्रचण्ड र नेपालबीच भएको भेटवार्ताकै बीचमा राप्रपा अध्यक्ष लिलिङ्देन पनि पुगेका हुन् । विपक्षी दलका तीन अध्यक्षबीच समसामयिक राजनीतिक घटनाक्रमबारे छलफल भएको बताइएको छ । यद्यपी राप्रपा प्रचार विभाग प्रमुख मोहन श्रेष्ठले पृथ्वी जयन्तीको उपलक्ष्यमा आयोजना हुन लागेको कार्यक्रमको निम्तो दिन आफुहरु गएको बताएका छन् ।
यसअघि प्रचण्ड र नेपालबीचको भेटमा अशोक राई नेतृत्वको जनता समाजवादी पार्टी जसपाका नेता राजेन्द्र श्रेष्ठ पनि सहभागी भएका थिए ।
प्रतिक्रिया