काठमाडौं । ‘आईएमई पे’ ले “उडान मेला” नामक योजना सार्वजनिक गरेको छ । यस योजना अन्तर्गत आन्तरिक हवाई टिकटमा सबैभन्दा बढी क्यास ब्याक प्राप्त हुने कम्पनीले जनाएको छ ।
२ माघदेखि सुरु भएको यस अफर मार्फत आईएमई पेका सेवाग्राहीले आन्तरिक हवाई टिकटमा ३०० रुपैयाँसम्म क्यास ब्याक प्राप्त गर्न सक्ने छन् ।
योजनामा नियमित ग्राहकले “सेभ१००” प्रोमोकोड राखेर १०० रुपैयाँ क्यास ब्याक र पहिलो पटक आईएमई पेबाट टिकट खरिद गर्ने ग्राहकले “फर्स्ट फ्लाइ” प्रोमोकोड राखेर ३०० रुपैयाँ क्यास ब्याकको लाभ उठाउन सक्नेछन् ।
हवाई टिकट खरिद गर्ने बेला आईएमई पे एपमा “ह्याभ प्रोमोकोड रु” सोधिएको ठाउँमा यी प्रोमोकोडहरु राखेर क्यास ब्याक प्राप्त गर्न सकिने कम्पनीले जनाएको छ ।
आईएमई पेका प्रमुख कार्यकारी अधिकृत प्रवीण रेग्मीले यस योजनाबाट प्रयोगकर्ताले थप किफायती र सहज रूपमा यात्रा गर्ने उत्कृष्ट अवसर प्राप्त गर्ने बताए ।
प्रतिक्रिया