रास्वपा सहमहामन्त्री पदबाट सुमना श्रेष्ठले दिइन राजीनामा

काठमाडौं । राष्ट्रिय स्वतन्त्र पार्टी (रास्वपा)को सहमहामन्त्री पदबाट सुमना श्रेष्ठले राजीनामा दिएकी छन्।

प्रतिनिधि सभा सांसदसमेत रहेकी श्रेष्ठले आफु विधायिकी काममा व्यस्त हुनुपर्ने भएकोले पार्टीको पदबाट बाहिरिएको जिकिर गरेकी छिन् । उनले पार्टीभित्र एक व्यक्ति एक पदको अवधारणा लागु हुनुपर्ने जिकिर गर्दै राजीनामा दिएकी हुन् । उनले केही समयअघि नै पार्टीको पदबाट राजीनामा दिएको बताइएको छ । सदनमा रास्वपाको भूमिका जति सक्रिय हुनुपर्ने हो त्यति नभएकोले आफुले पार्टीको जिम्मेवारीमा भन्दा विधायिकी भूमिकामा सक्रिय हुन चाहेको सुमनाले जिकिर गरेकी छिन् ।

श्रेष्ठलाई २०८० मंसिरमा जलेश्वरमा बसेको रास्वपाको बैठकले सहमहामन्त्री बनाउने निर्णय गरेको थियो।