काठमाडौं । प्रधानमन्त्री केपी शर्मा ओलीले आफुहरुले संयमित हुन गरेको आग्रहलाई भारत र पाकिस्तानले स्वीकार गरेको बताएका छन् ।
सोमबार लुम्बिनीमा आयोजित २५६९ औं बुद्ध जयन्ती मूल समारोहलाई सम्बोधन गर्दै प्रधानमन्त्री ओलीले आफूहरूले संयमित हुन आग्रह गरेका कारण भारत र पाकिस्तानबीचको युद्ध रोकिएको जिकिर गरेका हुन् ।
उनले भारत र पाकिस्तानबीच झण्डै हात हालाहालको अवस्था भएकोमा आफूहरूले आग्रह गरेपछि त्यो रोकिएको अभिव्यक्ति दिएका हुन्। ‘भारत र पाकिस्तानबीच झण्डै-झण्डै हात हालाहालको स्थिति आएको थियो। हामीले संयमित हुन आग्रह गर्यौँ, युद्ध पनि रोकियो । संयमका लागि उहाँहरूलाई धन्यवाद छ।’ उनले भने।
प्रधानमन्त्रीले भारत–पाकिस्तानबीच फेरि पनि आरोप प्रत्यारोपको स्थिति रहेको अवस्थामा बुद्धका शान्तिका सन्देशहरू सान्दर्भिक रहेको बताए । उनले भने, ‘बुद्धका शान्ति, प्रेम र करुणा फैलाउने तथा संसारमै हिंसा नहोस् भन्ने सन्देश अहिले पनि उत्तिकै सान्दर्भिक छ्न ।’
उनले उनले विश्व मानव अस्तित्व र पृथ्वीको सुरक्षाका लागि बुद्धको सन्देश फैलाउनु आवश्यक रहेको धारणा राखे ।
प्रतिक्रिया