काठमाडौं । चालु आर्थिक वर्षमा नेपालको आर्थिक वृद्धिदर ४.६१ प्रतिशत हुने भउको छ ।
अर्थमन्त्री विष्णुप्रसाद पौडेलले चालु आर्थिक वर्ष २०८१/८२ को आर्थिक सर्वेक्षण संघीय संसदमा पेस गर्दै यस्तो जानकारी दिएका हुन् ।
अर्थमन्त्री पौडेलले मधेश, कोशी, सुदूरपश्चिम बाहेक बाँकी प्रदेशको आर्थिक वृद्धिदर राष्ट्रिय औसतभन्दा माथि रहने उनले जानकारी दिए । उनका अनुसार यसवर्ष कुल ग्राहस्थ्य उत्पादन (जीडीपी) आकार ६१ खर्ब ७ अर्ब पुग्नेछ । जीडीपीमा कृषिको योगदान २५.१६ प्रतिशत रहेको छ । यस्तै, मुद्रास्फीति ४.७२ प्रतिशत रहने अनुमान गरिएको छ ।
अर्थमन्त्री पौडेलले प्रतिव्यक्ति कुल राष्ट्रिय आय बढेर १५ सय १७ अमेरिकी डलर पुगेको जानकारी दिए ।
गत फागुन २०८१ सम्म सार्वजनिक ऋण २६ खर्ब ७६ अर्ब पुगेको समेत पनि अर्थमन्त्रीले जानकारी दिए ।
प्रतिक्रिया