बालुवाटारमा सत्तारूढ दलको बैठक

काठमाडौं। सत्तारूढ दलहरूको संयुक्त बैठक बसेको छ ।

प्रतिनिधिसभाबाट बजेट पास गर्नुअघि प्रधानमन्त्री निवास वालुवाटारमा सत्तारूढ दलको संयुक्त बैठक बसेको हो ।

आज बजेट पास गर्ने कार्यसूची रहेको छ । उर्जा मन्त्रालयअन्तर्गत रहेको टेक एण्ड पे प्रावधान नहटाए बजेट पास गर्न अप्ठेरो हुने चेतावनी हिजो साँझ मात्रै नेपाली कांग्रेसका सभापति शेरबहादुर देउवाले प्रधानमन्त्री केपी शर्मा ओली र अर्थमन्त्री विष्णु पौडेललाई दिएका थिए ।

बैठकमा प्रधानमन्त्री ओली, नेपाली कांग्रेसका सभापति देउवा, जनमत पार्टीका अध्यक्ष सिके राउत, लोकतान्त्रिक समाजवादी पार्टी नेपालका अध्यक्ष महन्थ ठाकुर, जनता समाजवादी पार्टीका अध्यक्ष अशोक राइ, नागरिक उन्मुक्ति पार्टीकी अध्यक्ष रञ्जिता श्रेष्ठलगायत उपस्थित रहेका छन् ।