काठमाडौं । नेकपा एमालेको पोलिटब्युरो बैठकले सचिवालयबाट निर्णय भएर आएको पार्टीको विधान संशोधनसम्बन्धी प्रस्ताव पारित गरेको छ ।
शुक्रबार र शनिबार बसेको पार्टीको पोलिटब्युरो बैठकले सचिवालय बैठकबाट पास भएर आएको विधान संशोधन प्रस्ताव पारित गरेको प्रचार विभाग प्रमुख राजेन्द्र गौतमले जानकारी दिएका छन् । सचिवालयबाट प्रस्ताव गरिएको पार्टीभित्र दुई सदस्यताको व्यवस्था र उमेरहदको व्यवस्था खारेज गर्ने विषयलाई स्वीकार गर्दै बैठकबाट उक्त प्रस्ताव पारित गरेको गौतमले बताए । बैठकले २ कार्यकालको व्यवस्था हटाउने प्रस्ताव पनि पारित गरेको छ । संशोधित प्रस्तावमा एमालेमा साधारण र संगठीत गरि दुईथरी सदस्य रहने ब्यवस्था गरिएको छ । उनका अनुसार उपाध्यक्ष बिष्णु पौडेलले बिधान संशोधनको प्रस्ताव बैठकमा प्रस्तुत गरेका थिए ।
मुलभूतरुपमा उमेरहद र दुई सदस्यताको एजेण्डा सचिवालयको निर्णयलाई स्वीकर गर्दै सामान्य सुझावलाई समावेश गर्नेगरी विधान संशोधन सम्बन्धी प्रस्तावलाई पोलिटब्यूरो बैठकले स्वीकार गरेको उनले बताए ।
पोलिटब्युरो बैठकमा ६८ जना सदस्यले धारणा राखेको पनि गौतमले जानकारी दिए ।
प्रतिक्रिया