काठमाडौं । राष्ट्रिय स्वतन्त्र पार्टी (रास्वपा र राष्ट्रिय प्रजातन्त्र पार्टी (राप्रपा)ले आफ्ना मागहरूलाई दोहोर्याउँदै आजको प्रतिनिधिसभा बैठक पनि बहिष्कार गरेको छ।
बैठक सुरु भएलगत्तै सभामुख देवाराज घिमिरेले दुवै पार्टीले सदनलाई असहयोग गरेको टिप्पणी गर्दै रास्वपाका असिम शाह र राप्रपाका ध्रुव प्रधानलाई बोल्न समय दिएका थिए ।
दुवै पार्टीका सांसदहरूले पुराना मागहरू अझै सम्बोधन नभएको भन्दै बैठकबाट बाहिरिएका हुन् ।
रास्वपा सांसद असिम शाहले भिजिट भिसा प्रकरणमा सरकारले अनुसन्धान नगरेको आरोप लगाए। उनले गृहमन्त्रीलाई सोध्नुपर्ने अवस्था आएको भन्दै सभामुखसमक्ष प्रश्न राखे— “भिजिट भिसाको नाममा भएको मानव तस्करहरूको फाइल अहिले कहाँ छ ?”
यसैगरी राप्रपाका ध्रुवबहादुर प्रधानले सभामुखको टिप्पणीप्रति प्रतिटिप्पणी गर्दै आफुहरुले संसदलाई सहयोग गरेको बरु सरकारले सहयोग नगरेको बताए । उनले सभामुखले संसदको अवरोध हटाउन पहल गर्नुपर्ने सुझाव समेत दिए ।
प्रतिक्रिया