बुटवल । बुटवल उपमहानगरपालिका-१३, जितगढीमा वार्षिक रूपमा आयोजना हुदैँ आएको ऐतिहासिक सराय नाँच यस वर्ष पनि हुने निश्चित भएको छ । विगतका वर्षहरुमा जस्तै यस वर्ष पनि भोली अर्थात असोज २० गते सोमबार सराय नाँच देखाउन लागिएको जितगढी सराय व्यवस्थापन समिति बुटवल-१३ समितिले आइतबार बुटवलमा पत्रकार सम्मेलन गरि जानकारी दिएको हो ।
समितिका अध्यक्ष खिम बहादुर थापाले ऐतिहासिक लोपन्मुख सराय नाँच संरक्षणका लागि सराय नाँच गर्न लागिएको बताए । विस २०७० सालदेखि देखि गुल्मी, पाल्पा, अर्घाखांची, प्यूठानबाट बसाइसराइ गरि बुटवल आएकाहरुको पहलमा सराय नाँच संरक्षण गर्ने उद्देश्यले वर्षेनी यो कार्यक्रम राखिएको अध्यक्ष थापाले बताए ।
समितिका सचिव पिताम्बर भण्डारीले दिउसो साढे २ बजेदेखि सराय नाँच सुरु हुने जानकारी दिए । पुरानो संस्कृति पछिल्लो समय संकटमा पर्दै जान थालेपछि समितिले अहिले निरन्तर नांच प्रदर्शन गर्दै आएको उनले बताए । परापूर्वकालदेखि नाच्दै आएको साराय नाँचलाई अहिलेका पुस्तासम्म देखाउनुपर्छ भने लागेरै कार्यक्रम गर्न लागिएको उनले बताए ।
तरबार नचाएर एक आपसमा खुसी साटासाट गर्ने सराय नाँच विशेष गरी लुम्बिनी प्रदेशका गुल्मी, अर्घाखाँची, प्यूठान, कपिलवस्तु, रुपन्देही, दाङ तथा गण्डकी प्रदेशको बागलुङ, स्याङ्जा तथा अन्य विभिन्न जिल्लाहरुका कोट तथा शक्तिपिठहरूमा नाच्ने प्रचलन छ ।
प्रतिक्रिया