काठमाडौं । प्रचण्ड नेतृत्वको नेपाली कम्युनिष्ट पार्टी र अशोक राई नेतृत्वको जनता समाजवादी पार्टी (जसपा) बीच पार्टी एकताको प्रयास तीव्र बन्दै गएको छ।
आज दुवै दलका शीर्ष नेताहरूबीच वार्ता हुन लागेको छ । यसअघि बुधबार दुवै दलका वार्ता टोली सदस्यहरुबीच छलफल भएको थियो । बुधबारको बैठक सकारात्मक भएका कारण सहमतिको खोजीमा बिहीबार शिर्ष नेताहरुको बैठक बोलाइएको हो । बैठक पेरिसडाँडामा बस्नेछ ।
प्रचण्डको नेतृत्वमा विभिन्न वामपन्थी घटकहरुलाई समेट्दै नेपाली कम्युनिष्ट पार्टी बनाइएपछि राई नेतृत्वको जसपा पनि एकता वार्ता प्रक्रियामा अघि बढेको थियो ।
बुधबारको वार्तामा नेकपातर्फबाट देव गुरुङ, बेदुराम भूसाल, शक्ति बस्नेत, गिरिराजमणि पोख्रेल, प्रमेश हमाल र प्रकाश ज्वाला सहभागी थिए। त्यसैगरी जसपाबाट वार्ता समिति संयोजक राजेन्द्र श्रेष्ठ, रेनु यादव, रणध्वज कन्दङ्गवा र पर्शुराम बस्नेत सहभागी भएका थिए । जसपाभित्र भने नेपाली कम्युनिष्ट पार्टीसँग पार्टी एकता गर्ने विषयमा दुई धार रहँदै आएको छ ।
प्रतिक्रिया