काठमाडौं । राष्ट्रिय स्वतन्त्र पार्टी (रास्वपा)का सभापति रवि लामिछानेलाई पार्टीको केन्द्रीय कार्यालयमा भव्य स्वागत गरिएको छ ।
काठमाडौंको बनस्थलीमा रहेको पार्टी कार्यालयमा उनीलाई स्वागत गर्न ठूलो संख्यामा कार्यकर्ता र शुभेच्छुकहरू उपस्थित भएका छन् ।
लामिछाने आठ महिनाको काराबासबाट रिहा भएपछि पहिलोपटक पार्टी कार्यालय पुगेका हुन् ।
बाजागाजासहित उनलाई पार्टी कार्यालयमा स्वागत गरिएको हो ।
सहकारी ठगी प्रकरणमा नख्खु कारागारमा रहेका लामिछाने गत बिहीबार तुलसीपुर उच्च अदालतको आदेशपछि धरौटी र बिगो बुझाएर सशर्त रिहा भएका थिए । रिहाइपछि हिजो मात्र काठमाडौं आइपुगेका थिए ।
स्वागत कार्यक्रमपछि आजै पार्टीको केन्द्रीय समिति बैठक पनि बस्ने रास्वपाले जनाएको छ ।
प्रतिक्रिया