काठमाडौं । नेपाली कांग्रेसले क्रियाशील सदस्यता नवीकरणको समय भोलि दिउँसो १२ बजेसम्मका लागि तोकेको छ।
यसअघि मंसिर मसान्तभित्र सदस्यता प्रक्रिया सम्पन्न गर्ने भनिए पनि समयमै काम नसकिएपछि अवधि थप गर्ने सहमति भएको हो।
महामन्त्री गगन थापा संयोजक रहेको क्रियाशील सदस्यता व्यवस्थापन समितिको बैठकले भोलि दिउँसो १२ बजे क्रियाशील सदस्यता वितरण प्रणाली लक गर्ने निर्णय गरेको छ। समितिका सदस्य प्रकाश रसाइली स्नेहीका अनुसार नयाँ क्रियाशील सदस्यता वितरण भने पुस १० गतेसम्म गरिनेछ।
नवीकरण तथा नयाँ वितरणको सम्पूर्ण काम टुङ्ग्याएर पार्टीलाई प्रतिवेदन बुझाइने उनले जानकारी दिए। नेपाली कांग्रेसले पुस २६ देखि २८ गतेसम्म महाधिवेशन गर्ने निर्णय गरिसकेको छ।
प्रतिक्रिया