काठमाडौं । काठमाडौँका विभिन्न दुई स्थानमा दुईवटा गाडी माथि आगजनी गरिएको छ। काठमाडौं स्थित सुकेधारा र नैकापमा गाडीमा आगो लगाइएको हो।
‘सुकेधारामा बा ७ च १४०१ नम्बरको मारुती भ्यान र नैकापमा बीएए २८३६ नम्बरको गाडीमा आगजनी गरिएको काठमाडौँ जिल्ला प्रहरी परिसरका प्रवक्ता, प्रहरी उपरीक्षक पवन भट्टराईले जानकारी दिए । उनका अनुसार आज बिहान ३ बजे आसपास गाडीमा आगजनी गरिएको हो।
आगजनि गरिएको सवारीधनीहरु भने अलिसम्म प्रहरीको सम्पर्कमा नआएको एसपी भट्टराईले बताए। उनले घटनास्थलमा दुर्गा प्रसाईंको समूहको पर्चा भेटिएको जानकारी दिए ।
प्रसाईंलाई निर्वाचन बिथोल्ने अभिव्यक्ति दिएको आरोपमा गत आइतबारदेखि नै भक्तपुर प्रहरीले नियन्त्रणमा लिएर हिरासतमा राखेको छ । आगजनी सम्बन्धमा अनुसनधान भइरहेको प्रहरीले जनाएको छ ।
प्रतिक्रिया