काठमाडौं । राष्ट्रिय स्वतन्त्र पार्टी (रास्वपा)बाट धनुषा क्षेत्र नं. १ का उम्मेदवार किशोरी साहको उम्मेदवारी खारेज भएको छ ।
कर्जा सुचना केन्द्रको कालो सूचीमा रहेको पुष्टि भएपछि निर्वाचन आयोगले साहको उम्मेदवारी खारेज गरेको हो । निर्वाचन आयोगका कार्यवाहक प्रमुख आयुक्त रामप्रसाद भण्डारीले साहको उम्मेदवारी रद्द गर्ने निर्णय भएको पुष्टि गरेका छन्।
साहको उम्मेदवारी खारेजको निर्णय निर्वाचन आयोग ऐन २०७४ को दफा १३ बमोजिम भएको हो । उक्त दफामा उम्मेदवारको अयोग्यतासम्बन्धी विषय छ।
कर्जा सूचना केन्द्रको अद्यावधिक विवरणअनुसार कमल निर्माण सेवा प्रालिका शेयरधनी रहेका साह २०८० सालमा कालोसूचीमा परेको देखिएको छ। साथै, विभिन्न मितिमा एकल तथा संयुक्त रूपमा चेक बाउन्ससम्बन्धी कालोसूचीमा उनको नाम समावेश रहेको उल्लेख गरिएको छ।
प्रतिक्रिया