काठमाडौं । रवि लामिछाने नेतृत्वको राष्ट्रिय स्वतन्त्र पार्टी (रास्वपा) ले चितवन निर्वाचन क्षेत्र नम्बर २ मा सुरुआती मतगणनामा अग्रता लिएको छ ।
हालसम्म सार्वजनिक भएको मतपरिणामअनुसार रास्वपाका उम्मेदवार लामिछानेले १ हजार १५८ मत प्राप्त गर्दै अग्रस्थानमा रहेका छन्।
त्यस्तै नेकपा एमालेका उम्मेदवार जस्मिन घिमिरे ९०८ मतसहित दोस्रो स्थानमा पुगेका छन् । सुरुमा अग्रता बनाएको एमाले पछिल्लो गणनासँगै दोस्रो स्थानमा झरेको हो ।
नेपाली कांग्रेसकी उम्मेदवार मीना खरेलले हालसम्म ५३९ मत प्राप्त गरेकी छन् ।
यसैगरी नेकपाका उमेदवारका प्रताप गुरुङले ७७५ मत प्राप्त गरेका छन् ।
चितवन-२ मा मतगणना जारी रहेकाले अन्तिम परिणाम आउन बाँकी रहेको छ । मतगणनाको आगामी अपडेटसँगै प्रतिस्पर्धा थप रोचक हुने अनुमान गरिएको छ ।
प्रतिक्रिया