काठमाडौँ । नेपाल आयल निगमले आजबाट आधा सिलिन्डर (आधा ग्यास) बिक्री सुरु गरेको छ। मध्यपूर्वको तनावको हल्लाले बजारमा खाना पकाउने ग्यासको कृतिमअभाव बढ्दै गएपछि निगमले आजदेखि आधा सिलिन्डर (आधा ग्यास) बिक्री सुरु गरेको हो ।
उद्योगहरुले पूर्ववत ग्यास भर्ने र वितरण गरेपनि उपभोक्ताहरुले सम्भाब्य अभावको आंकलन गर्दै अनावश्यक भण्डारण गर्न थालेपछि बजारमा कृतिम अभाव देखिएको हो । उपभोक्तालाई केही राहत दिन भन्दै आधा सिलिन्डर ग्यास उपलब्ध गराउने गरि निगमले बिहिबार निर्णय गरेको थियो । राजधानी काठमाडौँ लगायतका शहरहरुमा ग्यास अभावको असर देखिन थालेसँगै उपभोक्ताहरू बिहानैदेखि ग्यास खोज्दै वितरण केन्द्र धाउन थालेका छन्।
आज बिहानदेखि नै उपभोक्ताहरू खाली सिलिन्डर बोकेर लाइनमा बसिरहेका छन्। कतिपय उपभोक्ताले बिहान सबेरैदेखि लाइन बसे पनि ग्यास पाइनेमा अन्योल रहेको बताएका छन्।
पछिल्लो समय मध्यपूर्वमा बढ्दो तनावका कारण अन्तर्राष्ट्रिय बजारमा इन्धन आपूर्तिमा असर परेको र त्यसको प्रभाव नेपालमा समेत देखिन थालेको बताइएको छ।
उद्योगहरुले भने साबिककै परिमाणमा बजारमा ग्यास पठाइरहेको दाबी गर्दै आएका छन् । पछिल्लो ३ दिने लगातार निगमले सूचना जारी गरेर वितरण सुरक्षा अपनाउने जनाएपछि उपभोक्ताहरुमा अभाव हुन सक्ने थप त्रास फैलिएको ग्यास विक्रेताहरुको भनाई छ । उपभोक्ताहरुले महिनौ देखि थन्काएर राखेका पुराना सिलिण्डरहरु पनि भर्नका लागि विक्रेताहरु सम्म आउन थालेको नेपालगन्ज स्थित उक विक्रेताले बताए ।
प्रतिक्रिया