काठमाडौं । राष्ट्रिय स्वतन्त्र पार्टी (रास्वपा) संसदीय दलको नेतामा बालेन्द्र शाह चयन भएका छन् ।
आज बसेको पार्टी केन्द्रीय कमिटीको बैठकले बालेन्द्र शाहलाई संसदीय दलको नेता चयन गर्ने निर्णय गरेको थियो । केन्द्रीय कमिटी बैठक लगत्तै बसेको संसदीय दलको बैठकले सो निर्णयलाई अनुमोदन गरेको थियो । सभापति रवि लामिछानेले बालेन्द्रलाई दलको नेता बनाउन गरेको प्रस्ताव सर्वसम्मतिले पारित भएको थियो ।
संसदीय दलको बैठकले सभामुखलगायत संसदीय पदाधिकारी चयन गर्ने अधिकार पार्टी नेतृत्व र पदाधिकारीहरुलाई दिने निर्णय गरेको छ । बैठकले सभामुख, उपसभामुख, मन्त्रीहरु, पार्टीको मुख्यसचेतक, सचेतकलगायत छनोटका लागि सर्वसम्मतीले उक्त निर्णय गरेको पार्टीका केन्द्रीय सदस्य निशा डाँगीले बैठकले जानकारी दिइन ।
सभापति लामिछाने, दलका नेता बालेन्द्रसहित शिर्ष नेताहरुले आज रातिसम्म मन्त्रीहरुको टुंगो लगाउने बताएका छन् । भोलि बालेन्द्र शाहले प्रधानमन्त्रीमा नियुक्त भई पद तथा गोपनीयताको शपथ लिँदैछन् । भोलि नै सबै मन्त्रीले समेत शपथ लिने तयारी रास्वपाले गरेको छ ।
प्रतिक्रिया