काठमाडौं । जेनजी आन्दोलनको छानबिन गर्न गठित जाँचबुझ आयोग अध्यक्ष गौरीबहादुर कार्कीसहितका पदाधिकारीको घरमा सुरक्षा सतर्कता बढाइएको छ। कार्कीसहितको पदाधिकारीलाई सुरक्षा थ्रेट भएको भन्दै उनीहरुको आवास क्षेत्रमा सुरक्षा सतर्कता बढाइएको हो ।
जाँचबसझ प्रतिवेदनलाई आधार मान्दै सरकारको आदेशमा प्रहरीले पूर्व प्रधानमन्त्री एवं एमाले अध्यक्ष केपी ओली र पूर्व गृहमन्त्री एवं कांग्रेस नेता रमेश लेखकलाई पक्राउ गरेसँगै एमालेले काठमाडौंसहित देशका धरै स्थानहरुमा प्रदर्शन गरेको छ । प्रदर्शनमा जाँचबुझ आयोगको प्रतिवेदन पूर्वाग्रही भएको भन्दै गृहमन्त्री र जाँचबुझ आयोगका पदाधिकारी विरुद्ध नाराबाजी भएको छ ।
सम्भाब्य असुरक्षालाई ध्यानमा राख्दै जाँचबुझ आयोगका अध्यक्ष कार्की र दुवै जना सदस्य पूर्वएआईजी विज्ञानराज शर्मा र कानून व्यवसायी विश्वेश्वर भण्डारीको घरमा सुरक्षा सतर्कता बढाइएको जनाइएको छ। अध्यक्ष कार्कीको गुण्डुस्थिगत घरमा शनिबार दिउँसोदेखि नै सुरक्षाकर्मी खटाइएको छ।
गत भदौ २३ र २४ गते भएको जेनजी आन्दोलनको छानबिन गर्न निवर्तमान प्रधानमन्त्री सुशीला कार्की नेतृत्वको सरकारले जाँचबुझ आयोग गठन गरेको थियो।
पूर्वन्यायाधीश कार्कीको नेतृत्वमा गठन भएको जाँचबुझ आयोगमा पूर्वएआईजी शर्मा र कानून व्यवसायी विश्वेश्वर भण्डारी सदस्य थिए।
उनीहरूले गत फागुन २४ गते प्रतिवेदन बुझाएका थिए। त्यही प्रतिवेदनका आधारमा शनिबार बिहान सरकारले पूर्वप्रधानमन्त्री ओली र पूर्वगृहमन्त्री र लेखकलाई पक्राउ गरेको थियो।
प्रतिक्रिया