छवि रिजाललाई हाजिरी जमानीमा रिहा गर्ने निर्णय

काठमाडौं । समान प्रकतिको मुद्दामा एमाले अध्यक्ष केपी शर्मा ओली र कांग्रेस नेता रमेश लेखकलाई म्याद थपको अनुमति लिएर हिरासतमा राखेपनि आज बिहान मात्रै पक्राउ परेका काठमाडौंका पूर्वप्रमुख जिल्ला अधिकारी छवि रिजाललाई भने प्रहरीले हाजिरी जमानीमा रिहा गरेको छ ।

रिजालमाथि गत भदौ २३ र २४ गते भएको जेनजी आन्दोलनमा दमन गरेको आरोप छ । गौरीबहादुर कार्की नेतृत्वको जाँचबुझ आयोगले रिजाललाई समेत पूर्व प्रधानमन्त्री ओली र पूर्व गृहमन्त्री लेखक सरह फौजदारी अभियोगमा अनुसन्धान गरि कारबाही सिफारिस गरेको थियो ।

अपराध अनुसन्धान कार्यालयको टोलीले रिजाललाई सुविधानगरबाट पक्राउ गरेको थियो । उनी जेनजी आन्दोलनको बेला काठमाडौंको प्रमुख जिल्ला अधिकारी थिए ।

उनलाई हाजिरी जमानीमा छाड्ने निर्णय भएको प्रहरीका एक अधिकारीले जनाएका छन् ।