काठमाडौं । नेकपा एमाले संसदीय दल नेता रामबहादुर थापा चयन भएका छन् ।
बुधबार च्यासलमा बसेको संसदीय दल बैठमा नेता थापा निर्विरोध निर्वाचित भएका हुन् ।
संसदीय दलको नेतामा थापा बाहेक सुहाङ नेम्वाङले पनि दाबी गरेपछि चयनप्रक्रिया लम्बिएको थियो । सहमति हुननसकेपछि निर्वाचनकै मुखमा पुग्दा नेम्वाङले प्रस्ताव र समर्थक सदस्य नै नपाएपछि थापा निर्विरोध चयन हुन सफल भए ।
थापा र नेम्वाङले नेता चयनको मनोनयन फाराम लगेपनि थापाले मात्र बुझाउन सकेका थिए । मनोनयन फाराम अपरान्ह ४ बजेसम्म बुझाउने समय थियो । त्यसपछि थापा निर्विरोध निर्वाचित भएको घोषणा गरिएको थियो ।
यसअघि नेम्वाङले संसदीय दलको नेतृत्व युवालेले गर्नुपर्ने धारणा राख्दै आफु दलको नेता बन्न इच्छुक रहेको बताएका थिए । अर्का सांसद राजेन्द्र राईले पनि केही बेरसम्म दलको नेता बन्ने दाबी गरेका थिए ।
तर पछि नेम्वाङलाई समर्थन गर्नेगरी राई फिर्ता भएका थिए । तर अन्त्यमा राईले समेत नेम्वाङलाई समर्थन गरेनन ।
दलको नेता निर्वाचित थापा पूर्व माओवादी नेता हुन् । सर्वोच्च अदालतले नेकपा विघटन गरेपछि उनी केपी ओलीलाई साथ दिँदै एमालेमा बसेका थिए । थापा हाल एमालेको वरिष्ठ उपाध्यक्ष हुन् ।
प्रतिक्रिया